اول ما شوفتك .. من تأليفى ..

من طرف moudy masry الجمعة 05 سبتمبر 2008, 1:43 pm

اول ما شوفتك حسيتك بتشدنى ... و حسيت فى بعدك نفسى اقولك وحشتنى
قولت اجى اقولك انى بحبك ... لقيتك بتقوللى بتحبنى

خليتنى حبيبى ما عرفتش انطق ... و قفت ادامك ساكت ما حطتش منطق
و ساعتها ما جاش فى بالى غير انى اسمعها تانى ... فضلت اقول لقلبى اطلبها انطق

و لقيتك حاسس بيا ... لما عيونك عادوهالى
كان نفسى يفضلو فى عينيا ... و تفضل على طول تقولهالى

و اوام حبيبى حسيت فى عينيك ... بتقولى جاه الدور عليك
قولت ازاى اقولك بحبك ... اوام بايديا لمست ايديك

و لقيت نفسى اخدتك فى حضنى ... و بقولك بموت فيك
و حلفتلك ما فيش حاجة منك هاتخدنى... الا جمال عنينك

و ساعتها ضحكت ضحكة... حسيت الدنيا فى ايديا
و الحقيقة حبيبى ان انت... ادامى و شايفك بعينيا

قولتلى بتحبنى للدرجادى ... مالقيتش رد غير ايوة و كنت لسه هقول اكتر
بس لقيتك اومت وقفت اصادى ... و بعلو صوتك بتقوللى انا بحبك اكتر