ايه اللى خلانا ضيعنا ((( سياسى )))

ايام الاضراب

هو ايه اللى خلانا ضيعنا ... ايه اللى وصّل حالنا للدرجادى
يا ترى لما نام ضميرنا ارتاحنا ... ولا احنا اللى مش بنشبع كلام فى الماضى
كل يوم نسمع ياااه ... دا احنا اعظم حضارة ... يا عالم كفاية ارحمونا دى شوية حجارة .... ايوة كنا زمان كبار ... بس النهاردة
اثبتنا فى الفشل جدارة
لما يوصل بينا الحال لسرقة رغيف العيش .... يبقى فاضل ايه تانى
و لما ناكل لحم كلاب و نسأل و الرد مافيش ... يبقى مين الجانى
وادى تجويع غزة فلسطين ... و الناس نايمين مش حاسين
و الدور على مين مش عارفين ... ة الظاهر انه ع المصريين
اصحى يا نايم اعرف عدوك ... جايلك بسلاح جديد اسمه التجويع
لو صحى فيك ضميرك هيقولك ... الحق بلدك بتضيع
و بلدك يعنى اهلك ... يعنى اختك يعنى امك .. يعنى عرضك يعنى حياتك
ماتسيبش حاجة تذلك
انا مسلم مصرى عربى ... يعنى ما ينفعش اعيش مكسور
واجب و فرضه عليا ربى ... لما اشوف غلط مااسكتش ... اثــور
****
قطعوا الحلم من جدره .... مايقدروش ؟؟ .. اهم قدرو
و ماعدش فيه امل ... و الشباب فى سباق وهم الوظايف الخالية بيجرو
و ادى سفينة امريكية ... معدية فى ارضى المصرية
و الطلقات فى يمين و شمال ... و يروح فيها المصرى ضحية
و ادى اعضاء حزب و نواب ... و ادى برامجهم الانتخابية
فى وش الناس تقفل لبواب ... و تقول بكرة ... طبعا يعنى فى الافية الجاية
*****
لو بايديا لحارب لموت ... بس علشان محنة تفوت
ماهو لو شعبى مش دريان ... بس اهو دارى و غاوى سكوت
****
(((مواطن مصرى)))))
اصلى صراحة انا غاوى سكوت .... ما اصلى لو اتكلمت هموت
ورايا عيال و مستقبل ... احسنلى افضل فى التراباتوت

مواجع
سياسة

طنشوا خالص
خالص