كيف ترفعين ضغط الشباب ,,,,,,,,,,,,,,,,,

كيف ترفعين ضغط الشباب ,,,,,,,,,,,,,,,,,

--------------------------------------------------------------------------------

مع كل احترامي ... وتقديري للشباب الموجودين في المنتدى

بس موضوع فكاهي ظريف حبيت أشاركم فيه

كيف ترفعين ضغط الشباب
_____________________________

أولاً : في النت :

1- إذا قال لك ممكن نتعرف ؟ قولي آسفة ما عندي وقت ..

2- وإذا قال لك ليش داخله النت دام ما عندك وقت ؟ قولي له : عشان اتفرج على هبالكم في العامه ..

3- إذا كلمك واحد منهم برايفت لا تردي بسرعه يعني بين رد ورد مشوار
ربع ساعه كذا ؟؟

4- إذا قال لك : وش رايك بالشات ؟ قولي له : وااااااااااااااااااي يجنن بس أنا ما أحبه

______________________________

ثانياً : في السوق :

1- إذا مريتي جنب واحد منهم اطلعي بجزمته واضحكي .

2- إذا دخلتي أنت ووصاحبتك محل وفيه شباب قولي : ياااااااااا ربي
وش ذا المحل البايخ اللي مافيه شي نشتريه وتعمدي يسمعونك

3- إذا طلعتي الاسانسير انت وصاحبتك ومعكم فيه شباب طلعي عطر من شنطتك ورشيه قولي وش ذا الكتمه .

4- والبايخه ... إنه إذا واحد رمى في شنطتك ولا الأكياس اللي معك رقم
الحقيه وقولي له .. أخوي أخوي هذي الورقة طاحت منك

5- وإذا واحد لزق فيكم في محل وتم وراكم من محل لمحل قولي لصاحبتك : ترى ما يمدحون اللقافة وذبة الوجه .

6- وإذا تعمد واحد فيهم يكون قريب منك بالسوق وصار يناظر فيك اتركيه يحول وبعدين ارفعي الجوال وكأنك تكلمين حد وقولي : هلااااااااااا وغلا فيصل شلونك يا حياتي .. عاد مر علينا اليوم بالبيت باقول لك قصة قرد اليوم شفته أنا وصاحبتي مها بالسوق ....

7- وفي الشارع لما توقف سيارتكم جنب سيارة واحد منهم عند الاشارة
الحمرا .... أول ما يوقف سواقكم للاشاره عطي الشباك ظهرك

8- وإذا جيتي تبي تعبرين الطريق وانت ماشيه وقف ةاحد منهم يقال له ذوق يعني وخلاك تعبرين .. لا تعبرين قدامه ... روحي اعبري ورا السيارة حقته .


لا تزعلوا .... تراها سوالف ومزوح ....