أسئلة صريحه *حزينه * جريئه * عاطفيه *مؤلمه

1_ هل انت تفعل ما تقوله هنا بالمنتدى ؟
اه الحمد لله
2_ اعتذار تريد ان تقدمه لمن؟
لصديقي لانه ماودعته
3_ ما ردة فعلك عندما يقول لك حبيبك : أحبك نعم أتزوجك لا ؟
لسة ماحبيت
4_ ماذا ستكتب لنا لتعبر عن حياتك التي عشتها الى الان في كلمات قليله ؟
مؤلمة ومن سفر الى سفر وكلام كتير
5_ اذا اردت ان تبكي الان * فعلى من تبكي؟
على صديقي اللى مات في الحرب
6_ من ستختار ليمسح دموعك ؟
امي
7_لو خيروك بين حبيبك وبين اعز صديق فمن تختار ؟
اعز صديق
8_ماهو تقييمك لهذا المنتدى بصراحه ؟
روعة والله وعاجبني اكتر انه احنا نعرف بعض
9_ من يسكن قلبك؟
امي
10_ هل تعتقد ان حظك سيئ؟
اه
11_ هل تدخل الشات ؟
لا
12_ هل هزمك حزنك في يوما من الايام؟
اه
13_ ((مستحيل انساك)) لمن تقولها ؟
لصديقي
14_ (( اللي راح راح وماتفيد كلمة ياريت )) إذا أردت ان توجه هذه العباره لنفسك* فماذا
تقصد بها ؟
مش عارف والله
15_ (( انت كل شيء بحياتي )) لمن تقولها ؟
لامي
16_ متى اخر مره بكيت؟
ياه كتير بس تقريبا من نص السنه اللى فاتت
17_ اي الدول تتمنى ان تزورها ؟
استراليا
18_هل لديك الجرأه ان تقول عمرك أمامنا ؟
داخل في 20
19_هل انت راضي عن نفسك ؟
الحمد لله
20_بماذا تقر وتعترف أمامنا الان ؟
مش عارف والله
21_ اغمض عينيك دقيقه لو سمحت* ماذا خطر على بالك وانت مغمض العينين ؟
ارجع لبلدي
22_هل تؤيد الزواج العاطفي ام الزواج التقليدي ؟ ولماذا ؟
الزواج العاطفي لانه تبقى فيه نسبه الطلاق قليلة لانه الزوجين يحبو بعض
23_ايهما اهم شهادتك الجامعيه أم الزواج ممن تحب ؟
الشهادة اكيد بس هو سؤال محير
24_ هل من الممكن ان تتحول الصداقه الى حب ؟
اه ممكن لي لا
25_هل تعترف بشيء اسمه الصداقه بين الرجل والمرأة ؟
اه
26_هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟
لا الحمد لله
27_هل انت مدمن تفكير؟
اه
28_ من هو اكثر شخص تفكر فيه؟
مش عارف والله
29_ اذا تم تعيينك ملكا لجميع البلاد العربيه فما اول قرار ستتخذه ؟
اصلح حال الناس الفقراء
30_هل تكره شخص بشده في حياتك ؟
لا الحمد لله
31_ ما هو اقتراحك الذي تتمنى ان يحدث في هذا المنتدى ولم يحدث الى الان ؟
مافي شي الحمد لله
32_هل ملابس الشخص امامك تؤثر فيك لتأخذ عنه انطباع ؟؟
يعني ساعات بس مش يعني الشخص لبسه بسيط يعني هو اي كلام لا طبعا
33_ماالذي يلفت انتباهك بسرعه في الشخص لكي تعجب به ؟
ان يبقى تفكيره زي تفكيري
34_ اذا احببت شخصا في الوقت الخطأ وفي المكان الخطأ فماذا تفعل ؟؟
مش عارف سؤال محير
35_ حكمة تؤمن بها جدا؟؟
لاتؤجل عمل اليوم الى غد
36_ عاده تفعلها دائما تتمنى ان تتركها ؟
اصحى متاخر من النوم شوية
37_ ماهو اجمل اسم لولد واجمل اسم لبنت من وجهة نظرك؟
لولد وليد ولبنت ريهام
38_ ماذا تفعل اول شيء اذا ربحت ملايينا او مليونا عشان مانكون طماعين؟
ابعت امي وابي حج وعمرة
39_ هل انت من لديهم رغبة حب التملك واذا تملك الشيء اصابه الملل منه ؟
لا الحمد لله
40 _ مارأيك في هذا الموضوع بصراحه؟؟؟؟

روعة والله والف الف شكر ويارب يكون الرد عجبكم

اكيد ردك جميل ميرسي على مرورك

ميرسى على مرورك وياريت مواضيعى تعجبك

_ هل انت تفعل ما تقوله هنا بالمنتدى ؟

هبقي كداب لو قلت اه
ممكن أكون في أغلب الأوقات صادق بس برضوا فيه سنتين ثلاثة كدب وفي الغالب مش بعمل كل اللي بقوله
لكن لما بوعد بوفي بوعدى بقدر المستطاع2_ اعتذار تريد ان تقدمه لمن؟

لكل حد أنا زعلته منى بالذات عطية

3_ ما ردة فعلك عندما يقول لك حبيبك : أحبك نعم أتزوجك لا ؟

مفيش هيا متستهلنيش وعمرى ما أصدقها تانى

4_ ماذا ستكتب لنا لتعبر عن حياتك التي عشتها الى الان في كلمات قليله ؟

عامة حياة بسيطة طفولية مندفعه متهورة منغلقة علي العالم وفجأة أصبحت وحيدا بعيد عن الأسرة في بلد غريبة ووسط ناس أغرب
الصيف ده أغلبه مصايب من حب لعدم الوصول وتجرع البعد للفشل في الدراسة كده ( مش فشل قوى يعنى مدخلتش بس القسم اللي أنا عايزه )

5_ اذا اردت ان تبكي الان * فعلى من تبكي؟

علي نفسي
لأنى متأكد أنى لو مت هتبهدل
لأنى نسيت الأخرة كتير وبفتكرها ثوانى وبعدين أنساها
ربنا يرحمنا
6_ من ستختار ليمسح دموعك ؟
طارق أخويا مع انى بحس أنه بيني وبيني مسافات شاسعة بمعنى الكلمة ومعدش بيحس بيا زى زمان
7_لو خيروك بين حبيبك وبين اعز صديق فمن تختار ؟
للأسف أعز الأصدقاء خانونى
يا ريت اللي أحبه ميكونش زيهم

8_ماهو تقييمك لهذا المنتدى بصراحه ؟

جميل
أعضاء محترمين بمعنى الكلمة

9_ من يسكن قلبك؟
الحزن ثم الحزن ثم الحزن

10_ هل تعتقد ان حظك سيئ؟

بجد ساعات بعتقد أنى سئ الحظ
بس بفتكر أن ده قدرى والحمد لله أنى عايش بدون عاهة أو إعاقة

11_ هل تدخل الشات ؟

لأ لعب عيال
12_ هل هزمك حزنك في يوما من الايام؟
أنا زى الزمالك بالضبط
بتهزم من اللي ميسواش وبيكسب الصعب جداا

أنا أهلاوى جدا وأفتخر
13_ ((مستحيل انساك)) لمن تقولها ؟

لأخى طارق
14_ (( اللي راح راح وماتفيد كلمة ياريت )) إذا أردت ان توجه هذه العباره لنفسك* فماذا
تقصد بها ؟

أنى خفت لما وقفت ادامها أقولها بحبك
أنى محققتش حلمى أنى أدخل مدنى

15_ (( انت كل شيء بحياتي )) لمن تقولها ؟

أمى الجبيبة
16_ متى اخر مره بكيت؟
لما بحس أن حزنى بقي وحش ملكنى وبياكل فيا بعيط لحد ما أفوق وأقتله وبرجع أحسن واحد في الدنيا 17_ اي الدول تتمنى ان تزورها ؟
السعودية أيام الرسول


18_هل لديك الجرأه ان تقول عمرك أمامنا ؟

أه عادى

18 وفي شهر إبريل 19
حاجه تانية

19_هل انت راضي عن نفسك ؟

لأ

20_بماذا تقر وتعترف أمامنا الان ؟
أنى ضعيف جدا
بس بجد نفسي أتغير

21_ اغمض عينيك دقيقه لو سمحت* ماذا خطر على بالك وانت مغمض العينين ؟
حلوة قوى لو سمحت دى
المهم غمضت عيني وقلت نفسي أشوفها تانى وألمس إيديها وأضمها حتى لثوانى
ههههههههههههههه
أدخل القسم اللي بحبه
أخطب اللي بحبها
ده أحلامى اللي شغلانى في الفترة الحالية


22_هل تؤيد الزواج العاطفي ام الزواج التقليدي ؟ ولماذا ؟
بأمانة أنا عاطفي وبكره قوى الحتة دى فيا
بس بجد مش عارف
معتقدش هتفرق
بس أنا عن نفسي نفسي أرتبط باللي تحبني وأحبها

23_ايهما اهم شهادتك الجامعيه أم الزواج ممن تحب ؟

هبقي كداب لو قلت أنتا عارف الإجابة
24_ هل من الممكن ان تتحول الصداقه الى حب ؟
أه جدا وبتحصل
25_هل تعترف بشيء اسمه الصداقه بين الرجل والمرأة ؟
في حدود الأدب
26_هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟
الحمد لله لأ
كان والله في إيدي أنى أنتقم من واحد عملها فيا ودمرلي فترة حلوة من حياتى
لكن أنا مرضتش أبقي زيه
27_هل انت مدمن تفكير؟
لما بلعب سودوكو بس
غير كده بسيبها بطبيعتها
أنا معرفش أفكر
بجد عقلي بيتوصل للحل لوحده بدون ما اخد بالي
يعنى فجأة بعرف الحل من غير ما أكون بفكر فيه اصلا
28_ من هو اكثر شخص تفكر فيه؟
اللي بحبها
29_ اذا تم تعيينك ملكا لجميع البلاد العربيه فما اول قرار ستتخذه ؟
يختاروا ملك غيري ينفع
ههههههههههه
لأنى هبقي فاشل
30_هل تكره شخص بشده في حياتك ؟
أه المغرور علي الفاضي
31_ ما هو اقتراحك الذي تتمنى ان يحدث في هذا المنتدى ولم يحدث الى الان ؟
نعمل قسم يكون فيه لكل عضو موضوع يكتب فيه كل اللي هوا عايزه عن نفسه وممنوع وجود ردود
يعنى الموضوع خاص بس
والباقين يقروه فقط
32_هل ملابس الشخص امامك تؤثر فيك لتأخذ عنه انطباع ؟؟
أه ساعات
عشان احدد مستواه
33_ماالذي يلفت انتباهك بسرعه في الشخص لكي تعجب به ؟
بأمانة كانت عينيها
بهدلتنى لما بصيت فيهم
وأنى لما جيت أكلمه مرضاش يرد عليا
عجبنى تقله
34_ اذا احببت شخصا في الوقت الخطأ وفي المكان الخطأ فماذا تفعل ؟؟
هحس أنى في فيلم ابو علي
هههههههههههههه
مفيش هقضيها أغانى وحزن وتعب زى ما أنا دلوقتى
35_ حكمة تؤمن بها جدا؟؟
لاتأسفن على غدر الزمان لطالما..
رقصت على جثث الأسود كلاب.....
لا تحسبن أن برقصها تعلو على أسيادها...
تبقى الأسود أسود والكلاب كلاب......
36_ عاده تفعلها دائما تتمنى ان تتركها ؟
الحب بصدق لأن لما بكتشف الحقيقة بتجرح قوى

37_ ماهو اجمل اسم لولد واجمل اسم لبنت من وجهة نظرك؟
رنين محمد خالد سلمى
38_ ماذا تفعل اول شيء اذا ربحت ملايينا او مليونا عشان مانكون طماعين؟
بجد هخده كله أديه لوالدى يقسمه عليا أنا واخواتى
أو نفكر هنعمل بيه إيه
39_ هل انت من لديهم رغبة حب التملك واذا تملك الشيء اصابه الملل منه ؟
كلنا عندنا رغبة التملك
بس بجد أنا مبحبش الرغبة دى

40 _ مارأيك في هذا الموضوع بصراحه؟؟؟؟
بجد جميل جدا
ومتميز وروعة