اخطر سر --- الموضوع جد مش هزار -----

من طرف moudy masry الجمعة 07 نوفمبر 2008, 1:12 am

ازيكم يا احلى شباب و بنات
يا ريت تدو الموضوع دا اهمية كبيرة لانه بجد موضوع خطير جدا و يمكن يغيرلك حياتك كلها
طبعا كلنا عارفين امثال شعبية و فى مننا اللى ما بيهتمش بالامثال و اللى يقول دى تخاريف
بس انا بالصدفة اكتشفت ان امثالنا مش تخاريف ... بالعكس دى يمكن يكون منها اللى ليه اساس علمى
زى مثلا المثل اللى بيقول " اضحك للدنيا تضحكلك "
و المثل التانى اللى بيقول " اللى يخاف من العفريت يطلعله " و غيرهم
حد فكر فى الامثال اللى زى كده ... طيب هى اتقالت على اساس ايه ؟؟؟
هو دا السر اللى ممكن يغيرلك حياتك !!!
ما لحظتش قبل كده انك تخيلت موقف او كان فى حاجة شاغلة تفكيرك و حصلت فعلا .. بتحصلنا كلنا و لكن على فترات متفاوتة و ممكن ما نخدش بالنا منها الا فى المواقف الكبيره بس
طبعا كلنا سمعنا عن علوم ما وراء الطبيعة ... بس بينى و بينكم انا عمرى ما فكرت اعرف عن العلم دا حاجة بس بالصدفة سمعت عن كتاب اسمه " The Secret " ..
كتاب اكتر من رائع الكاتب فيه بيقول اننا كل ما اتحكمنا فى افكارنا و فى كلامنا و فى حالتنا النفسية ( يعنى متضايق - مبسوط - قرفان - رايق ... الخ ) كل ما قدرنا نتحكم فى حياتنا و نغيرها للاحسن ...
ما حدش سأل نفسه قبل كده ليه المتشائمين دايما حياتهم مليانه متاعب عكس المتفائلين طبعا اللى بتكون حياتهم اهدى و مستقره
هو دا موضوع الكتاب ...
مثلا : مثل زى اللى بيقول " اضحك للدنيا تضحكلك " بيعبر عن المتفائلين اللى كل افكارهم بعيده عن الهم و التشاؤم و الحزن
فبتكون حياتهم احسن مش بس كده الكتاب بيتكلم عن اننا ممكن نتحكم فى الاحداث اللى بتحصلنا يوميا بمعنى اننا لو ركزنا تفكيرنا فى شئ نفسنا يحصل ممكن يحصلك فعلا و طبعا دا على خطوات ممكن اشرحها بعد كده لو حبيتم و طلبتم دا .
مثلا : المثل اللى بيقول " اللى بيخاف من العفريت يطلعله " لان ممكن الشخص يركز تفكيره على الخوف من شئ معين فمن كتر تفكيره فى الشئ الغير مرغوب او اللى خايف منه ممكن يحصلله ...

كل دا بيحصلنا بواسطة قانون اسمه قانون الجذب

الموضوع كبير و طبعا هتكلم فيه لو عاوزين

من طرف **ghawy7ob** الخميس 13 نوفمبر 2008, 8:05 pm

شكرا مودي على التوبيك
وياريت الكل يشارك

اخطر سر --- الموضوع جد مش هزار -----

اخطر سر --- الموضوع جد مش هزار -----

رد: اخطر سر --- الموضوع جد مش هزار -----